للعدا 
كل العدا بنحكي ونقول 
هاي بلادنا  
عنها أبدا ما راح نتخلى 
 وعن حبها ما بنجوز ولا بنميل 

هاي بلادنا 
شجرها الأعلى 
هواها الأطرا 
وترابها من الذهب أغلى وأغلى 
هذا تراب الشهدا
وطينة مقامات الفدا 

هذي  بلادنا، بلاد الصلا  
أقصى وكنيسة 
ودروب للسما

هذ بلادنا 
يا سامعين الصوت 
وهذا بيتنا، بيت الحجر
مش بيت العنكبوت 
قالوا النكبة راح تبعثرنا
وتنسينا طعم العصاري 
تحت شجرة التوت 
قلنا ما راح ننسى وما راح نسكت 
ما فينا ساكت ولا مسكوت  
هاي بلادنا على أرضها صامدين
وفي دروب العودة دوم ماشيين  
مش بس حلم 
مش بس أمل 
دروب العودة دروب العمل
وما في حلم، 
ولا في أمل 
مع العمل بيمرض ويموت