بدنا نكهرب بدنا نعيش

ما بدنا دخان وتحشيش

بدنا نضوي كل البيوت

رغم محاكم التفتيش

شعبك غزة شعب العلم

مش صيصان وﻻ ريش

اهلك غزة مناضلين

مش كراتين وﻻ تشييش

ترابك غزة رغم الجور

ارض العزة مش كورنيش

سماؤك نور وقران

ﻻ زهار وﻻ حنيكيش

ناموسك فخر و ايمان

ﻻ يرضخ للبخشيش

يالله يالله يا ثوار

فكولنا الك ﻻبيش

خلي رايتكوا خفاقة

وﻻ تهابوا القواويش

بدنا نكهرب بدنا نعيش

ما بدنا محاكم تفتيش

علي صوتك يا غزاوي

وما تخوفك الخفافيش

ارفع علمك الفلسطيني

وارفض فتاوى الطرابيش

خلي قرارك وطني

وما يخوفك اي جيش

ايدي بايدك حتى نحرر

مش لنعمل مناقيش

عزة وكرامة يا هاشمي

اطلع من قمقم (ما فيش)

وخلي ايمانك بربك

وما يرهبك الشاويش

والبس كوفية النصر

وﻻ تقبل اي غويش

بدنا نكهرب بدنا نعيش

ما بدنا حياة الدراويش

يا انقلابي ضب الكلاكيش

ارحل عنا بدنا نعيش

--

أنا احكي عن الحرية التي لا مقابل لها ..الحرية التي هي نفسها المقابل